ഉപ്പയുടെ ചില പരീക്ഷണങ്ങൾ

ചെറുപ്പത്തിലേ എന്റെ ഒടുക്കത്തെ potential മനസ്സിലാക്കിയത് കൊണ്ടോ എന്തോ , എന്നെ വച്ച് പല പരീക്ഷണങ്ങൾക്കും മുതിരാൻ ഉപ്പ തയ്യാറായിരുന്നു . പ്രസവിച്ച് രണ്ടാം മാസം പനി പിടിച്ച് തലച്ചോർ പഴുത്ത് ഹോസ്പിറ്റലിൽ കിടന്നിട്ടുണ്ട് ഈ ഞാൻ (കണ്ടാൽ പറയില്ല ല്ലെ !!! ) .
മിക്കവാറും ഇവൻ മന്ദബുദ്ധിയാവുമെന്ന ഡോക്ടറുടെ പ്രവചനം കേട്ട് ചങ്കു പിളർന്ന് ഏതോ സാത്വികന്റെ അടുത്തേക്കൊടിയ ഉപ്പയെ അങ്ങേർ സമാധാനിപ്പിച്ചു പറഞ്ഞുവിട്ടു പോലും .

"ഫികർ മത് കർണാ , തുമാരാ ഭേട്ടാ അമീർ ബൻ ജാഒഖെ .

(  SSLC പരീക്ഷക്ക് തയ്യാറെടുക്കുമ്പോൾ നമ്മളെ പിരി കേറ്റാൻ ഉപ്പ തന്നെയാ ഈ കഥ പുറത്ത് പറഞ്ഞത്  )

എനി വേ . ബാക്ക് ടു ദി പോയിന്റ്‌ .
ഈ കഥയൊന്നും പരീക്ഷക്ക്‌ ഉപകാരപ്പെടാതെ വന്നപ്പോഴാണ് ഉപ്പ അടുത്ത പരിപാടിയുമായി വന്നത് . +2വിനു ഹോസ്റ്റലിൽ കൊണ്ടാക്കുക . അവിടുത്തെ മൂട്ടയുടെ കടിയും വാർടന്റെ കണ്ണ് ഉരുട്ടലും നമ്മുടെ തൊലിക്കട്ടിക്ക് മുൻപിൽ അടിയറവു പറഞ്ഞപ്പോൾ ബൂമറങ്ങ് പോലെ കറങ്ങിത്തിരിഞ്ഞ്‌ വീണ്ടും പിതാവിന്റെ മുൻപിൽ ഹാജർ .

" i am ready for your next experiment papa..!! "

തിരിച്ചടികളിലൊന്നും തളരാത്ത ഉപ്പ എന്നെ അടുത്ത പരീക്ഷനത്തിനയച്ചു ..

"ബേട്ടാ , തും ഡോക്ടർ ബൻ ജാ " ..( കിട്ടിയത് കൊണ്ടൊന്നും പഠിച്ചിട്ടില്ല ) .

എട്ടാം ക്ലാസ്സിൽ വീരാൻ കുട്ടി മാഷ് പഠിപ്പിച്ച ഹിന്ദി വച്ച് ഹരിച്ചും ഗുണിച്ചും നോക്കി നെരേ പോയി എഞ്ചിനീയറിംഗ് എന്ററൻസ് കോഴ്സിന് ചേര്ന്നു . (പേടിക്കണ്ട .ഉപ്പമാരുടെ അടുത്ത് കാശും മക്കളുടെ അടുക്കൽ ഒരു വര്ഷവും ബാക്കിയുണ്ടെങ്കിൽ ഏത് യെവനും ചേരാൻ പറ്റുന്ന കോഴ്സ് ആണത് )

കൊച്ചു മക്കളെ പഠിപ്പിച് മിടുക്കന്മാരക്കുമെന്നു ശപഥം ചെയ്തിരിക്കുന്ന ചെറിയ അമ്മാവന്റെ സ്പെഷ്യൽ നിരീക്ഷണവും വല്ല്യുമ്മന്റെ പൊടിക്കൈ പ്രയോഗങ്ങളുമെല്ലാം എന്റെ ആത്മാർത്തതക്കു മുൻപിൽ വീണ്ടും കീഴടങ്ങിയതോടെ സന്തോഷം കൊണ്ട് തുടിച്ച പൊന്നുപ്പ അടുത്ത ആക്ഞ്ഞ പുറപ്പെടുവിച്ചു ...

"ബെട്ടെ , ഗൽതീ ഹെ തും മേരെ .. ബാഗ്‌ യെഹാം സെ "..

ഇവിടം കൊണ്ടൊന്നും തീരാൻ പോകുന്നില്ലെന്ന് ആദ്യമേ അറിയാമായിരുന്ന ഞാൻ കിട്ടിയ കാശും ജെട്ടിയും പെറുക്കി ബഗിലിട്ട് തീവണ്ടി കയറി .. അടുത്ത പരീക്ഷണ കേന്ദ്രം ലക്ഷ്യമാക്കി .........

ആശാന്റെ അമളികൾ

പൊട്ടത്തരം കൂടപ്പിറപ്പാണെങ്കിലും മഷ്ഫൂക്കിനെ എനിക്ക് ഭയങ്കര കാര്യമായിരുന്നു. ആശനാണെനിക്ക് ഒരു മാസം വരെ അലക്കാതെ പിടിച്ച് നിൽക്കാനുള്ള വിദ്യ പറഞ്ഞ് തന്നത് (സ്വ"കാര്യമായി" കണ്ടാൽ അത് ഷെയർ ചെയ്യാൻ ഞാൻ റെഡി ) .

ഷുഹൈബ് സാറുടെ ക്ലാസിന്റെ ഗുണം ആണെന്ന് തോന്നുന്നു , ക്ലാസ്സിൽ ആർക്കും 

C-Programing കാര്യമായി ഒന്നും മനസ്സിലായിരുന്നില്ല .  കുറച്ച് ഇംഗ്ലീഷ് അക്ഷരങ്ങൾ മാറ്റി നിർത്തിയാൽ ബാലമംഗളത്തിലെ ഡിങ്കന് മണ്ടക്ക് അടി കിട്ടുമ്പോൾ ഉണ്ടാകുന്ന മ്യുസിക്ക് പോലെ തോന്നും കണ്ടാൽ    " (#@*<+>*+%)" .

ക്ലാസിൽ അട്ടം നോക്കി ഇരുന്നതിന്റെ ഫലം എല്ലാവരും അനുഭവിച്ചത് പ്രാക്ടിക്കൽ എക്സമിന്റെ തലേന്നായിരുന്നു .പഠിത്തം തുടങ്ങിയതും ചിന്താ മണ്ഡലത്തിലെ ട്യൂബ് ലൈറ്റ് ഫ്യുസയതും ഒരുമിച്ച് . ഇനിയൊന്ന് റിഫ്രെഷ് ചെയ്തു വരാമെന്ന് വിചാരിച്ച് അസറിന്റെ വാതിൽക്കലെത്തിയപ്പോൾ മുനാഫ് ഏതോ കവിത നീട്ടി ചൊല്ലുന്നത് കേട്ടു. ശ്രദ്ധിച്ചു നോക്കുമ്പോൾ അവൻ പ്രോഗ്രാം കാണാതെ പഠിക്കുകയാണ് 

"ഹാശിങ്ക്ലൂട് യെസ്റ്റീഡീ ഐ ഒ ടോട്ടെച്   .  ഹാശിങ്ക്ലൂട് യെസ്റ്റീഡീ ഐ ഒ ടോട്ടെച്    "

( ഹാവൂ ...സമാധാനമായി . നമ്മൾക്ക് കൂട്ടുണ്ട്. )

എക്സാം കഴിഞ്ഞു വരുന്ന മഷ്ഫൂക്കിന്റെ മുഖത്തെ വാട്ടം കണ്ട്  കാര്യം തിരക്കിയപ്പോൾ സ്വധസിദ്ധമായ ശൈലിയിൽ ആശാന്റെ മറുപടി .

"അകെ ഇരുപത്തിമൂന്ന് ലൈനുള്ള പ്രോഗ്രാമിൽ ഞമ്മക്ക് ഇരുപത്തിനാല് എറർ . "

അങ്ങിനെ വരാൻ വഴിയില്ലല്ലോ .അവസാനം ലാബ്‌ നോട്ട് എടുത്തു ചെക്ക്‌ ചെയ്യാൻ തീരുമാനിച്ചു . ആദ്യത്തെ ലൈൻ കണ്ട് (  # include <stdio.h > )

ഒരു പരിചയവുമില്ലാത്ത പോലെ ആശാന്റെ ചോദ്യം  "ഇതെന്താ? " . 

"എടാ , ഇതല്ലേ ലൈബ്രറി " പ്രോഗ്രാമിങ്ങിലുള്ള മുഴുവൻ അറിവും എടുത്ത് ഞാൻ കാച്ചി .

"റബ്ബേ , ഞാനിതു വിട്ടു".  (ഭേഷ്.... ) 

എന്നാൽ പിന്നെ നോക്കണ്ടാ . ഈ ലൈൻ വിട്ടാൽ ബാക്കി വരുന്ന മുഴുവൻ ലൈനും എറെർ ആകും . ഏതോ പ്രോഗ്രാമിങ് പുലി പറഞ്ഞതോടെ റിസൽട്ടിന്റെ  കാര്യത്തിൽ ഒരു തീരുമാനമായി.